FC Green Boys 77 Harlange-Tarchamps

Gëschter gouf an der Press bericht, dass sech Zuschauer um Coupematch Harel-Wooltz net un déi sanitär Bestëmmunge gehalen hunn an ee Rapport géint den Organisateur erstallt ginn ass. Als Veräi wëlle mir dozou Stellung huelen:

Den FC Green Boys 77 huet eng ganz Rei Mesuren ëmgesat, fir konform zu alle Covid-19-Bestëmmungen ze sin:

 

• Am Virfeld vum Match gouf op eiser Facebooksäit op d’Maskeflicht higewisen;
• D'Leit goufen an der Entree schonn op d'Maskeflicht higewisen, Leit ouni Mask goufen net era gelooss respektiv krute vun eis eng Einwegmask zur ausgedeelt;
• Et ware méi Sëtzplaze verfügbar wéi Entreeskaarte verkaf gi sinn;
• De Catering gouf op zwou Plazen opgedeelt, fir d’Leit ze verdeleen. Fir bei d'Buvetten an de Grill ware separat Entrees- a Sortiescouloiren ageriicht;
• Desinfektiounsmëttel stoung op e puer Plazen um Site zur Verfügung vun de Leit;
• Den Hiwäis op d'Maskeflicht war op ville Plazen um Site affichéiert;
• De Groussdeel vun den Zuschauer huet sech och un d'Sëtzflicht an d'Maskeflicht gehalen;
• Et gouf iwwer Mikro virun, wärend an nom Match drop higewisen dass d'Leit misste sëtzen an ee Mondschutz droen;
• wärend dem Match waren 3 Benevoler vum Veräin am Asaz fir déi Leit, déi sech net un d'Oplage gehalen hunn, perséinlech dorops hinzeweisen.

 

Mir hätten eis gewënscht, dass och déi present Policebeamten op der Plaz bei deene Leit intervenéiert hätten.
Mir sinn der Meenung, dass mir d'Mesuren esou wäit wéi méiglech ëmgesat hunn an dass de Veräin net fir d'Feelverhale vu Privatleit sollt verantwortlech gemaach ginn.